Hræðilegt

Það eru blendnar tilfinningar við að lesa svona fréttir. Mér finnst svona fréttir jafn hræðilegar og þær eru góðar. Það er frábært þegar upp kemst um þetta glæpapakk sem fer svona með börn og skemmir líf þeirra en hræðilegt og sorglegt að þetta skuli vera til.

Stærsta barnaklámsmál í sögu Spánar

Upprifjun.

Ég óska þeim bara góðs minnis. Vonandi að þau hafi rifjað upp í fríinu sínu þau loforð sem gefin hafa verið.

Alþingi sett í dag

Kjánaprikið ég.

"Sem betur fer fór maður ekki til bankanna". Góð fyrirsögn á þessari frétt en því miður get ég ekki sagt "sjúkk ekki ég heldur" ég fór nefnilega í banka og fékk húsnæðislán og er ekki stolt af því, sé bara eftir því. Nú á bara að borga og brosa eða gráta, þeim í bankanum er svo sem alveg sama, taka bæði við peningum og húsum þar.

"Sem betur fer fór maður ekki til bankanna"

Undarlegt

Ég flaug með Icelandairá þessu ári og hafði þá flogið með tveimur öðrum flugfélögum á undan. Ég hef alltaf verið mjög fegin að komast í íslensku flugvélarnar því ég er mjög flughrædd en hef fundið fyrir meira öryggi í þeim. Þegar ég var komin um borð var ég akkúrat að hugsa um hvað það hefði lítið komið upp á í þessum vélum en síðan hefur látunum ekki linnt. Vonandi að hlutirnir og eftirlit með þeim verði nú í lagi framvegis svo við getum örugg komist aðeins að heiman og heim aftur.

Vélinni flogið tómri heim

Alltaf í Reykjavík

Jæja það var enn ein ferðin til Reykjavíkur í dag - Alla leið - í þetta sinn til að versla spariskó á verðandi fermingarbarnið. Það er Rósaball í þessum skrifuðu orðum í Grunnskólanum í Hveragerði og Arnar sem er í 10. bekk fór og sótti dömu úr 8. bekk og fékk til þess bílstjórann Jón Helga sem er ansi reffilegur og kann sitt fag vel. Steinþór sem er í 8. bekk var sóttur hingað heim af dömu úr 10. bekk og var sú svona líka fín að fínni gerast þær varla. Vonandi skemmta þau sér vel.

 

Meeee á spænsku

Gott að þeir rugluðust ekki og fóru með manninn í sláturhúsið.

Maður á reiki á hálendinu

Hvar endar þetta???

Hvar enda allar þessar hækkanir? Hvenær kemur að því að við venjulegu Jónarnir hreinlega getum ekki meira? Hversu langt eigum VIÐ að láta þessa bófa ganga yfir okkur? Ég bara spyr og get ekki meir....

Tryggingar hækkuðu um 100 þúsund

Bytturnar úr umferð

Gott að heyra að tekið er á málunum varðandi ölvunarakstur,  lögin mættu þó vera róttækari fyrr á ferli ítrekaðs ölvunaraksturs. Nógu hart er tekið á hraðakstri varðandi peningasektir og mér finnst töluvert alvarlegra að keyra ölvaður heldur en að keyra á 112 kílómetra hraða þar sem leyfilegur hámarkshraði er 90 km. Ekki vil ég þó setja út á þá hörku, ég hef að minnsta kosti hægt á mér eftir að löggan byrjaði að sekta og veit að fleiri manns hafa gert það líka.

 Bara taka bytturnar fyrr út úr bílunum.

Í fangelsi fyrir ölvunarakstur

Rokrass á Hellisheiði

Það var orðið ansi vont veðrið á Hellisheiðinni líka í kvöld, ég keyrði yfir í brjálaðri rigningu og roki og svo tók þokan við í þokkabót. Mikið hlakka ég til tvöföldunar og óska líka eftir ljósastaurum á þessari leið. Það hefur ekki verið í umræðunni sem ég skil reyndar ekkert í því það myndi bæta akstursskilyrði til muna.

Mörg útköll vegna óveðursins

Froskur í klói

Ég lenti í því úti í Mexico að froskur hoppaði upp úr klósettinu þegar ég opnaði, mér brá nú smá verð ég að viðurkenna. Þetta var reyndar pínulítill froskur og ég varð stór öskurapi. Ég veit ekki í hvað ég myndi breytast ef ég mætti slöngu á klóinu !!!

Kyrkislanga í klóinu