Það var lagið - verðlagið

Það er frábært að einhver fyrirtæki séu að hugsa um hagsmuni fólksins í landinu. Að draga til baka verðhækkun finnst mér til fyrirmyndar af Freyju. Vonandi að fleiri fylgi í kjölfarið.

Verðhækkun dregin til baka

Dósa kapphlaup

John bætir við að þau hafi ekki getað annað en brosað þegar þau sátu á fyrsta farrými á leið heim og hugsuðu til þess að umhverfissóðar hefðu borgað fyrir ferðina.

Frábært hjá þeim.

Á Íslandi er fólk litið hornauga þegar það týnir upp dósir, spurning hvort við hugsum okkur um núna þegar við sjáum dós á götunni.

Vonandi förum við þó ekki að rífast um þær.

Brúðkaupið í rusli

Ég skal

Vá ég skal ganga með tvö úr og sýna öllum þau fyrir þennan pening. Ekki mikið mál. Það væri sérstaklega hagstætt núna með dollarann svona háan.

Theron mætir í réttarsal

Bestur

Þessa sýningu langar mig sko að sjá. Stefán Karl er búinn að vera ótrúlega skemmtilegur sem Glanni Glæpur í Latabæ og ég efast sko ekki um að hann verður frábær í þessari sýningu.

Stefán Karl leikur Trölla

Námsmenn erlendis

Ég veit ekki hvort það er búið að tala um þetta í sambandi við þessa frétt en það sem mér dettur fyrst í hug er: Aumingja námsmenn erlendis. Ég vona bara að þeir komist yfir þetta og geti klárað sitt nám.

Gengi krónunnar veiktist um 11,65%

Fóstra Íslands...

Hvernig gat þetta gerst? Einn daginn er góðæri á hæsta stigi og næsta dag örbirgð. Er ekki aðeins of seint í rassinn gripið núna, hvar voru stjórnvöld í öllu sukkinu? Ef við erum ekki öfgaþjóð í einu og öllu þá er það engin þjóð held ég. Nú á bara að gera Fjármálaeftirlitið að fóstru Íslands og fjármálafyrirtækin geta lent í straffi hegði þau sér ekki samkvæmt reglum fóstrunnar. 

Mig langar að sjá hina háu herrar bankanna koma og svara fyrir hegðun sína.

Ný lög um fjármálamarkaði

Jón spæjó

Þarna bætist enn eitt við sem við þurfum að vera á varðbergi með. Ég skil þetta ekki í þjóðfélagi þar sem fyrirhyggjan er í fyrirrúmi varðandi svo margt þá er samt svo mörgu ábótavant. Almenningur í höftum en stjórnendur og fleiri mega leika lausum hala og gera það sem þeim sýnist.

11% munur á opinberu gengi og VISA-gengi

Samstaða

Svona flík ættum við öll að eignast til að mótmæla háu verði á orku hér á landi. Það er með ólíkindum hvað hægt er að bjóða okkur. Það gengur reyndar tölvupóstur á milli manna núna þar sem beðið er um samstöðu til að mótmæla hækkun orkuverðs og vildi ég óska að við Íslendingar sýndum samstöðu einu sinni. Mér leikur líka forvitni á að vita hvenær við fáum nóg af því sem ég vil kalla kúgun.

Hér kemur pósturinn: (það skal tekið fram að þetta er ekki frá mér komið svo ég eigna mér það ekki).

Undanfarið hefur dunið á okkur hver hækkunin á eftir annarri, nú síðast rafmagnið.  Meðan við eigum að sitja á okkur í kröfugerð launa er hver risinn á eftir öðrum að hækka á okkur tryggingar, eldsneyti, raforku, hita o.sfrv.  Til að mótmæla þessari óstöðvandi flóðbylgju af hækkunum legg ég til að við eigum rómantíska stund n.k. sunnudagskvöld kl. 20:00 og slökkvum á öllu rafmagni sem við mögulega getum verið án.  Slökkvum ljósin, kúrum okkur upp í sófa og tökum hálftíma hlé frá raforkunni.  Ef allir leggjast á eitt sýnum við í verki að nú er komið nóg af hækkunum. Getum ekki tapað á þessu, bæði spörum við rafmagn og upplifum smá kósíheit í svartasta skammdeginu. Áframsendið á alla sem þið þekkið og
myndum rafmagnslausa samstöðu í hálftíma.   
 

Alltaf í sambandi

Lán ekki bankalán

Æi hvað hún er heppin, hún þarf væntanlega ekki að taka lán fyrir húsinu með verðtryggingu og tilheyrandi.

Keypti hús á 200 krónur á eBay

Út í búð núna.......

Vá ég verð að flýta mér að kaupa eina áður en þær verða uppseldar. Frábært að þetta skuli fara svona vel af stað.

Bleika slaufan rýkur út